Si avess’ ’a cadé

N’arrangiamento ’e ‘If I should fall behind’ ’e Bruce Springsteen

A Neapolitan cover ‘If I should fall behind’ by the Boss.

Dicèttemo “Stammo assieme,

qualunqua cosa succede;

ca ce sperdimmo

dinto a l’ombre d’ ’a sera,

o si cammenanno ce scappammo da ’a mano:

io aspetto a té;

ma si avess’ ’a cadé, tu aspietta a mé”.

Giuraimo ’e rimané aunite,

una affianco ’e chill’ato

E d’aiutarce a nun restà maie areto

Ma ognuno ’e nuie, po

tene nu passo d’ ’o suoio;

io aspetto a té;

ma si avess’ ’a cadé, tu aspietta a mé.

Chi è ca nun se sonna, chill'ammore ca è eterno Ma nuie ’o ssapimmo comm’è ca va ’a vita Pecciò nun cagnammo 'a vìa vecchia p’ ‘a nova

io aspetto a té;

ma si avess’ ’a cadé, tu aspietta a mé.

Che bellu sciummariello

ca ce stà lloco bascio

’O vi’ l’alberiello addó ce annammuraimo

Ma si ce sperdimmo

Sotto ê ffronne ca ce cummiglianno ’a vista

io aspetto a té;

ma si avess’ ’a cadé, tu aspietta a mé.