Pecché -Why

Songo sempe iuto pazzo pe chesta canzone ’e Annie Lennox.

I have always been mad about this epic song by Annie Lennox.

Ma quanta vote aggi’ ’a cercà

’e te dìcere ca me dispiace

pe chello ca t’aggio fatto

Ma quanno po ce provo

Tu te avuote sempe:

Embè, chistu guaio lloco è paricchio a luongo

Ma quanta vote ’ncapa a mé

m’ ’a piglio cu mé stessa

pecché aggi’ ’a parlà sempe

Pecciò me fa assaie male, a sentì

’e pparole ca ièsceno ’a chella vocca toia

’a chella vocca toia

Dimme

Pecché

Sarraggio pazzo

Sarraggio cieco

Sarraggio pure na mal’èssere

Ma chello ca pienze io t’ ’o lleggo ’nfronte

E l’hê ditto tante ’e chelli vvote

Ca tu stisse meglio sola

E po…

’O vvuo’ capì o no?

Ce stammo affunnanno, accapputtanno

Turnammo a cammenà pe fora ô mare

Pe ce luvà ’sti dubbie ’a capa

Ê vvote è meglio a nun parlà

Ma po me sento male adinto

stongo male adinto

accussì male adinto

Dimme

Pecché

Chisto è ‘o libbro ca nun aggio liggiuto

Cheste è pparole ca nun aggio saputo

E chisto è ’o tratto ca nun aggio sagliuto

Chiste so’ ’e suonne ca nun so’ fernute

E chesta è ’a gioa ca sto’ speruta

E cheste ’e llàcreme

Ca ammo chiagnuto

Chesta è ’a paura

Chisto è ’o turmiento

E chesto è chello ca tengo a mente

Chiste so l’anne ca so’ passate

E chesto è chello ca ce hanno dato

Io accussì me sento

’O ssaie, tu, comme me sento?

Me penzo ca nun ’o ssaie comme me sento

Nun ’o ssaie comme me sento

Pecché