Certamente a Bob nun le dispiaciarrà... Surely Bob won't mind...

Oé, villanella, cantammella na canzone

Nun tengo suonno e songo troppo assaie ’e pecché

Oé, villanella, cantammella na canzone

Comme schiara iuorno, piglio e me ne vengo cu té

’O ssaccio buono, ’a luna se n’è trasuta dinto

’A notte mo è cchiù astrinta

M’ha rimasto ô scuro e senza me puté addurmì

Tanto ca stongo stanco ca ’e ccosce nun mm’ ’e ssento

’O core me va a viento

E ’stu munno è troppo sulagno p’ ’o puté schiarà

Puórtame a fa nu viaggio ncoppa a na nave

cu ’e scelle

e famme accuncià ê stelle

comm’a tanta lampetelle

ca m’allùmmano pe dinto

e me fanno truvà ’o curaggio ’e me cunóscere

Pozzo ì a qualunqua parte, pozzo pure scumparì

Iusto ’mmiezo a na vìa

Famme ’ncantà cu nu mutivo

Chino ’e nu bellu sole

ritornello

Si me vedisse ’e abballà comm’a na tròttola,

redenno senza na raggione

attuorno â gente ’e nu rione

vo dìcere ca stongo allero sulo a te penzà

E si vide ca faccio nu suspiro o pure duie

Nun è caso ca te ne fuie

È sulo cera ca se struie

Chesto ’o ssapimmo tutte ’e dduie

’O riesto songo l’ombre ’e chi se danna l’ànema

ritornello

Ncoppa ô suppigno ’ncapa a mé tu aiùtame a saglì

Addó ’o tiempo nun pò venì

È buono sulo a ce fa suffrì

E nun sape cumpiatì

Me abbasta nu murzillo ’e spazio

Addó me sentarraggio sazio

cu ’o bbene ’e na carezza

Appùntame ’stu cielo ’e perle comm’a na cullana

E cu ’o mare dinto ê mmane

Addó ’o viento scioscia chiano

E addó l’onne songo schiane

Lìbberame ’a chest’ora ’nfame

Famme scurdà tutte cose d’ogge fino a dimane

ritornello